كلمات الليله اللي بدايتها قصيد وطرب
الليله اللـي بدايتهـا قصيـد وطـرب
تكاشـف ابروقهـا لاحنّـت ارعودهـا
هيهات هيهات واللي مايطـول العنب
يشره على شجر ِته لو طال عنقودهـا
والجادل اللي تفاخر بالحسب والنسـب
وشلون ماتفتخـر لاعـدّت اجدودهـا
كلمات الليله اللي بدايتها
كنت احسِب الدم ياصل دونها للركـب
إليـن ساقتنـي الاقـدار لحـدودهـا
امهايطيـه ولاتهتـم فطلـق شـنـب
لسترسلت فالحكـي ياحـي مارودهـا
من صوتها العذب تطعني بليّـا سبـب
وانـا ا تحمّـل خناجرهـا وبارودهـا
الا على طاري الطعنات لبّـى الهـدب
لبيه لبيـه لامـن سلهمـت سودهـا
قالت عشا قلت مستعجل وقالت شبـب
هي فاهمتني وانـا فاهـم لمقصودهـا
دخلت في ربعـةٍ فيهـا ادلال ومشـب
وصبّت من الدله اللـي فايـعٍ عودهـا
(لبى العرب) ياحليب الذود لبى العـرب
من يوم قالت تعـال وبهّلـت ذودها
انا اشهد انها على ماقيل عـز الطلـب
واحترت ما بيـن حِقتهـا ومفرودهـا
لاجيت اوصّف وش اوصّف ويا للعجب
الليل فجعودهـا والصبـح فخدودهـا
والله ماكن فيهـا اعظـام ولا عَصَـب
عزاه لامـن تثنّـت وانثنـى عودهـا
وانا انتحاري على الفطره واحب النشب
والبنت من جودها حصّلـت ماجودهـا
لمحـت فعيونهـا كـلام كلّـه عتـب
سألتها ليـش لكـن كـان مردودها
قالت سلمنا ولكِنهـا سلامـة عطـب
والله يستـر مـن العالـم ومنقودهـا
ليله وعدت ولا ادري كيف طاح الحطـب
ان باحت اسدودها ماباحـت اسدودهـا
والله لو قيل عدها واخذ وزنـك ذهـب
والله ماعـودهـا والله مـاعـودهـا
